Në fillim të muajt e ardhshëm do të shkarkohen gjashtë dejtorë të Qeverisë së Ramadan Mujës në Prizren. Shkarkimi i tyre do të bëhet nga kryetari i PDK-së, Kadri Veseli.
Burimet e “PrizrenPress”-it brenda PDK-së në Prizren, bëjnë të ditur se do të bëhet pas kthimit të Veselit nga Amerika.
“ Në gusht do të shkarkohen të gjithë drejtorët e PDK-së, që janë pjesë e Qeverisë së Mujës”, tregon burimi për “PrizrenPress”.
Qeveria e Mujës do të plotësohet me emra të rinj.
Kryetari i PDK-së në Prizren, Minir Krasniqi ndërkaq, tha se nuk është diskutuar ndërrimi i drejtorëve në strukturat e partisë të cilën e drejton.
“Do të jemi transparent me media nëse ndodhë një gjë e tillë”, ka thënë Krasniqi.
Edhe zëdhënësi i Komunës, Ymer Berisha tha se kryetari Ramadan Muja nuk ka marrë një njoftim të tillë nga partitë në koalicion.
“Është kompetencë e partive që janë në koalicion. Ne vetëm sigurojmë që nuk do të ketë vakum institucional”, tha Berisha./PrizrenPress.com/