Jose Mourinho beson Manchester United tashmë ka filluar të bëhet sërish special, pasi në tri sezonet e fundit skuadra kishte humbur identitetin që e shquante.
Portugezi është i bindur se United është rrugës që t’i ngjajë skuadrës që fitonte tituj dikur me Sir Alex Ferguson.
“Mendoj se çdokush i sheh ndryshimet, në krahasim me tre vjetët e fundit. Ekipi po zhvillohet, po luan ndryshe”.
“Mendoj se edhe tifozët po e tregojnë këtë, me mënyrën si po reagojnë. Jo veç për shkak të pasionit që kanë për klubin, por edhe sepse janë të lumtur me shenjat e përparimit që shohin”.
“Jemi mirë në këtë moment të sezonit. Jemi mirë”, ka deklaruar Mourinho.