Policia e Kosovës njoftoi se dje në Prizren ndodhën dy aksidente me motoçikletë, në të cilën përfshihen tre persona të lënduar, shkruan PrizrenPress.
Policia thekson se rreth orës 14 e 50 minuta, në rrugën “Bashkim Suka” një motoçikletë duke mos ju përshtatur shpejtësisë dhe kushteve të rrugës ka goditur një veturë civile, ku përpos dëmeve materiale lëndime trupore ka pësuar vozitësi i motoçikletës. I lënduari është dërguar në tretman mjekësorë.
Aksidenti tjetër ndodhi rreth orës 16 e 50 minuta në fshatin Lubizhdë. Motoçikleta duke mos ju përshtatur shpejtësisë dhe kushteve të rrugës ka goditur dy vetura, ku përpos dëmeve materiale lëndime trupore kanë pësuar vozitësi dhe pasagjeri i motoçikletës. Të lënduarit ja dërguar në tretman mjekësorë. /PrizrenPress.com/