Një ngjarje e rëndë ka ndodhur mbrëmjen e së dielës në Golem. Një person ka qëlluar për vdekje me sëpatë bashkëshorten e tij. Burime paraprake të policisë bëjnë me dije se ngjarja ka ndodhur rreth orës 19:50, në banesën e tyre në Golem, tek kompleksi “Murrizi”.
Sipas policisë, Veli Dervishi, 73 vjeç, ka vrarë me armë të ftohtë, sëpatë, bashkëshorten e vet, Shazivare Dervishi, 68 vjeçe.
Më pas mësohet se autori është vetëdorëzuar tek Posta e Golemit. Policia po punon ndërkohë për sqarimin e plotë të rrethanave të ngjarjes makabër.