Deputeti nga Nisma’ për Kosovën, Zafir Berisha, shprehet se bashkësia evropiane dhe ajo ndërkombëtare kërkon hapa konkretë në luftën kundër krimit të organizuar dhe korrupsionit e që ky është edhe njëri nga kushtet për integrime evropiane duke përfshirë edhe liberalizimin e vizave.
“Duke e ditur se vetë kokat e institucioneve shtetërore janë pjesë e hallkave zinxhirore të krimit të organizuar, këta bëjnë disa spektakle me individë të caktuar për gjoja se janë duke e luftuar krimin e organizuar, derisa në anën tjetër ne nuk kemi ndonjë veprim konkret të shkallës së prerë, dhe ka shumë raste kur hetimet edhe përkundër fakteve ato mbyllen si të pasuksesshme dhe kjo gjendje në drejtësinë e Kosovës dhe në luftën kundër korrupsionit për fatin e keq po shkon në kurriz të qytetarëve dhe liberalizimi i vizave e integrimi evropian me këtë garniturë politike është shumë larg që të realizohet”, ka deklaruar deputeti Zafir Berisha për gazetën “Kosova Sot”