E kishë cekur edhe në mbledhjen e fundit të Asamblesë Komunale, ndërsa sot e ka shpallur edhe përmes dokumentit zyrtar.
“Duke parë situatën aktuale në Kosovë, politikat dhe proceset antikombëtare (cenimi i integritetit teritorial, mos shtrirja e sovranitetit në tërë territorin e Republikes së Kosovës, krijimi i asociacionit të komunave serbe me të drejt vendimarrje dhe si dhe kthimi i agresorve serb pa kushte etj) më detyrojnë të jap dorheqje”, thuhet në dokumentin që shpreh dorëheqjen e asambleistes Albanë Ndreca.
TherandaPost ka kontaktuar asambleisten e pavarur, për të ditur më tutje rreth shkaqeve tjera të dorheqjes. Ajo është përgjigjur se: “Arsyjet i kam cek edhe në dokument, tashmë nga niveli qendror po na vijnë edhe në nivel lokal per mu apliku këto politika. Dhuna ndaj banorëve në Mushtisht në protestën e fundit nga policia, pastaj edhe kthimi i serbeve aty pa kushte, pra si kerkimfalja për krimet e bëra nga ata, gjetja e të zhdukurve, pastaj të deklarojnë se a e pranojnë Republiken e Kosovës, janë disa prej kushteve qe s’po ju kërkohen me u kthy, e në anën tjeter në Veri të vendit, nuk lejohet të kthehen shqiptarët në pronat e veta. Me këtë realitet politik s’po mund të pajtohem, prandaj dhashë dorheqje”.
Ajo thekson se më tutje nuk do të mirret aktivisht me politikë, por do t’i kthehet asaj, vetëm nëse ndryshon gjendja aktuale dhe drejtohet për të mirë./therandapost.com/