Problemin e sigurisë së zejtarëve në Prizren fillimisht e pati diskutuar deputeti Zafir Berisha, kur theksoi se zejtarët në rrugën “Adem Jashari” nuk po ndihen shumë të sigurt për shkak të dyshimeve sepse mund të plaçkiten. Zëdhënësi i Policisë rajonale, Hazir Berisha, është shprehur se deri më tani nuk ka pasur rritje të ndonjë kriminaliteti. “Por, këtë rast do ta kemi parasysh dhe do të shtojnë patrullat e policisë”. Kryetari i zejtarëve të Prizrenit, Refet Bushati, shprehet për gazetën se disa argjendarë kanë shprehur shqetësimet e tyre.
“Pas kësaj ne kemi kontaktuar dhe kemi diskutuar me ish-drejtorinë e Inspektorateve, mirëpo meqë tani u ndërruan kemi mbetur ende pa e kryer këtë çështje”, tregon ai. Zejtarët pas rasteve të disa plaçkitjeve të shtëpive kanë filluar të frikë- sohen se një gjë e tillë do t’u ndodhë edhe atyre.
Policët me rroba civile në afërsi të shkollave Për sigurinë e tyre është shprehur i shqetësuar edhe kryetari i SHZAP-së, Sami Dida.
“Unë mendoj se për të gjithë bizneset duhet të ketë komuna, e veçanërisht polici,a kujdes të shtuar. Na duhet një siguri më e madhe për ata”, është shprehur ai. Ndërsa Bushati pohon se e di se siguria u duhet lokaleve të argjendarëve dhe ata duhet të krijojë një orar më të përshtatshëm, ngase lokalet e tyre kanë mall me vlerë. Komuna e Prizrenit, për të parandaluar dhunën në shkolla, në bashkëpunim me policinë rajonale, prokurorinë dhe tashmë së fundi edhe me kryetarët e klasave të maturantëve, organizon takime me qëllim që të shërbejnë në parandalimin e dhunës edhe në shkollat e komunës së Prizrenit.
Kapiteni Hazir Berisha nga policia thotë se masat e sigurisë tashmë i kemi shtuar në të gjitha rrugët edhe në shkollat dhe ato i bëjnë në rroba civile.
“Kontrollime në rrugë do të këtë edhe në ditët që vijnë”, u shpreh ai.”Jemi duke kontrolluar të gjitha rrugët. Aktivitetet tona tashmë janë duke u bërë nga policët e terrenit, por me rroba civile. Kemi krijuar një bashkëpunim tepër të mirë edhe me qytetarët”, u shpreh ai.
(Kosova Sot)