Pas raportimit se ishte hoxhë Fetah Bekolli, ai i cili kishte kryer ceremoninë fetare të varrimit të familjes Jasharit, e jo Mulla Osmani, siç ishte thënë deri më tash, ka shpërthyer një debat i madh në rrjetet sociale.
E këtë e kanë konfirmuar shumë pjesmarrës të asaj ngjarje, si Elmi Halmi dhe bashkëshortja e tij Ajnishahe Halimi, të cilët thanë se Mulla Osmani, as nuk kishte qenë ditën kur ishte bërë ceremonia e varrimit.
Por kjo nuk përfundon me kaq, Gazeta NewBorn, brenda burimeve familjare mëson se mes Mulla Osmanit dhe hoxhës Fetah Bekollit, ka pasur një përplasje për këtë ngjarje, dhe se ky i fundit ia ka treguar argumentet Mulla Osmanit rreth të vërtetës për ngjarjen e 19 viteve më parë.
”Ka pasur një ballafaqim mes Mulla Osmanit dhe Fetah Bekollit. Hoxhë Bekolli, ja ka treguar faktet, Mulla Osmanit për këtë ngjarje dhe për këtë gjë mandej ai ka heshtur”, ka thënë ekskluzivisht në kushte anonimiteti ky familjar brenda familjes Bekolli.