Një mori përurimesh dhe gurthemelesh janë bërë këtë muaj në komunën e Prizrenit. Por, tri subjektet opozitare, LDK-ja, VV-ja dhe Nisma për Kosovën, thonë se ato po bëhen për efekte elektorale. Haxhi Avdyli, kryetar i Degës së LDK-së në Prizren, u shpreh se ka projekte të mëdha që zvarriten me vite, kurse inaugurohen të reja.
“Kjo tregon se Komuna e Prizrenit punon në stihi dhe veç për fushatë e më pak për interesin e qytetarëve. Projektet madhore, si shkolla, shtëpi kulturë, e transitet kanë mbetur në gjysmë për shkak të papërgjegjësisë së Komunës e në anën tjetër bëhen shtrime rrugicash e trotuaresh sa për qëllime elektorale”, theksoi ai për “Kosova Sot”.
Projekte të papërfunduara
Pronari i restorantit familjar, Besim Shkreli, është shprehur për gazetën se në këtë sezon po u shkaktojnë dëme bizneseve të tyre, lokaleve që po e bëjnë për të mirën e tyre dhe kërkojmë ndjesë edhe nga qytetarët që po pengohen të lëvizin lirshëm në shesh”, tha Ajmeti për gazetën. Artan Abrashi, nga VV-ja, Qendra në Prizren, mendon se pushtetit të zhytur nga skandale nuk i mbetet asgjë tjetër veçse t’i mbulojë ato me nisje të projekteve të reja. Sipas tij, projekte të nisura, jo projekte të përfunduara. Kryetari i Degës së Nismës për Kosovën, Dega në Prizren, Zafir Berisha, shprehet se projektet e proklamura janë në vazhdën e tentimit për të mashtruar qytetarin e Prizrenit.
Pushteti mohon akuzat
Ymer Berisha, shef i Zyrës për Informim në Komunën e Prizrenit, për “Kosova Sot” pohon se emërtimet buxhetore të planifikuara për realizim në secilin vit janë votuar në Kuvendin e komunës edhe nga kuvendar të LDK-së, ndaj lidershipi i kësaj partie është mirë që të konsultohet me kuvendarët e subjektit të tij para se të pretendojnë të bëjnë lajm të paqëndrueshëm politikisht e publikisht.
“Komuna vazhdon të ruajë kujdesin maksimal për të gjithë dhe sigurisht se do jetësojmë edhe shumë projekte të reja për qytetarët e Komunës sonë”, pohon ai./Kosova Sot/