Presidenti amerikan Donald Trump ka njoftuar se Shtetet e Bashkuara të Amerikës do të tërhiqen nga Marrëveshja për Klimën e nënshkruar në Paris.
“Marrëveshja e Parisit do të minonte ekonominë tonë, duke dëmtuar punonjësit tanë, do të dobësonte sovranitetin tonë, do të vendoste në rrezik të papranueshëm ligjor dhe do të na vendoste në disavantazh në krahasim me vendet e tjera. Është koha për të dalë nga marrëveshja e Parisit”, tha Presidenti Donald Trump në një deklaratë nga Shtëpia e Bardhë enkas për këtë çështje.
Përgjigjia e Trump mbi marrëveshjen për klimën mbajti në ankth vendet aleate, pasi disa ditë më parë në Samitin e G7 në Siçili, Trump ishte i vetmi që nuk dha aprovimin mbi këtë pakt.
Ai tha se përgjigjen do ta jepte pasi të kthehej në SHBA kur të ishte menduar më mirë.
Tashmë vendimi dihet, SHBA heq dorë nga marrëveshja për klimën.