Gazetari nga Prizreni Blerim Çoçaj, thotë se ky qytet, do të përcaktojë fituesin e zgjedhjeve të 11 qershorit. Sipas tij, qytetarët e Prizrenit, për dallim nga qytetarët e komunave të tjera të Kosovës, çdo herë janë treguar “specifik” në zgjedhje.
“Ata, shikojnë, dëgjojnë, marrin pjesë në të gjitha tubimet e partive politike, por në fund votojnë ‘çuditshëm’ “, thotë Çoçaj.
Postimi i plotë në “Facebook
Prizreni do të përcaktojë fituesin e zgjedhjeve të 11 qershorit. Partitë politike, tashmë e kanë kuptuar këtë fakt, prandaj janë angazhuar maksimalisht në këtë qytet.
Liderët e të gjitha partive politike, gjatë këtyre dy ditëve të mbetura të fushatës, do të fokusohen në Prizren. Ata do t’i bëjnë përpjekjet e fundit, që votat përcaktuese të fitores në zgjedhjet e 11 qershorit , t’i rrëmbejnë për vete. Qytetarët e Prizrenit, për dallim nga qytetarët e komunave të tjera të Kosovës, tregohen më “specifik” në zgjedhje.
Ata, shikojnë, dëgjojnë, marrin pjesë në të gjitha tubimet e partive politike, por në fund votojnë ‘çuditshëm’ .
“Rrejnë” më shumë se politikanët!
Ish-lideri i PDK-së, Hashim Thaçi, ka qenë i vetmi që e pati kuptuar këtë “specifikë” të votuesve, prandaj gjatë gjithë kohës së fushatave zgjedhore qëndronte në Prizren.
Rrugën e Thaçit,pres se do të ndjekin edhe liderët e partive të tjera, pasi që përcaktues i fituesit në këto zgjedhje do të jetë Prizreni./Gazeta Blic/