Gazetari Blerim Çoçaj ka komentuar lidhjen e koalicioneve të partive politike për balotazhin e 19 nëntorit. Ai, ka thënë për gazetën “Kosova Sot” , se votuesi i LDK-së, do të përcaktojë fituesin në Prizren.
“Sigurisht që lidhja e koalicioneve ndikon në përcaktimin e fituesit në zgjedhje. Por, në rastin e Prizrenit, koalicionet që janë lidhur deri më tash nuk besoj se do të përcaktojnë fituesin në zgjedhjet e balotazhit”, ka thënë Çoçaj për “Kosova Sot”
“Përcaktuesi i fituesit në Prizren, do të jetë votuesi i LDK-së. Prandaj, mendoj se PDK-ja dhe VV-ja, gjatë fushatës zgjedhore, do të përqendrohen te votuesi i LDK-së”.
“Cilido kandidat që do të arrijë ta bind për votë votuesin e këtij subjekti politik, besoj se do të jetë fitues i zgjedhjeve të balotazhit me 19 nëntor”./Kosova Sot/