Analisti politik, Artan Muhaxhiri ka thënë se ajo që ishte interesante në debatin mes dy kandidatëve për kryetar të Prizrenit, Shaqir Totajt të PDK-së dhe Hytaher Haskukuës nga Vetëvendosje, është se Totaj ka bërë atë që rrallë e bëjnë – vuri identitetin personal përpara atij partiak.
“Ai nuk i thuri elozhe liderit ose partisë”, ka thënë Muhaxhiri, njofton Klan Kosova.
“Në fakt Totaj tentonte ta relativizonte të kaluarën”.
“Totaj e potenconte vetëm aspektin e tij profesional dhe kjo është diçka e mirë. Pra tentimi të spikatet asketi profesional”, ka shtuar tutje ai.
“Haskuka u fokusua në dëmin që kanë bërë dy partitë që kanë qenë në pushtet deri tash”.
Ai ka thënë më tutje se shumica dërmuese të gjërave kandidatët i kishin lënë kur të vinë në pushtet.
“Do të dëshiroja të ishim më konkret, por debati ishte korrent edhe në aspektin retorik dhe profesional”, ka shtuar Muhaxhiri në Analizën Lokale.