Prof.dr. Sabahajdin Cena
(Për mësuesin Nesim Veliu)
Sot Rahoveci përcolli edhe një veteran të arsimit. Pak kujt në Rrafshin e Anadrinit mund të mos i kujtohet mësuesi Nesim Veliu, të cilin sot qytetarët e përcollën që të prehet i qetë pranë kolegëve që mbeten pishtarë të arsimit në këtë qytet të mësuesve: Ali Bajrami, Myhedin, Nesimi, e Muhamed Vuçitërna, Shefqet Sokoli, Avdi Ukshini, Hasan Sharku, Zeqir e Dritë Berisha, Dinë Bajra, Xhemajl Hajrullaga, mësueses Berisha nga “Ardhmëria”, Sakip Vehapit, Demë Zekës e të shumë veteranëve ttë tjerë emrat e të cilëve nuk mund të më kujtohen në këto orë të mesnatës, por më parakalojnë imazhet dhe kujtimet për tërë atë plejadëqirinjësh që na ndri çuan me dekada, deri në frymën e fundit, kur edhe ndaheshim prej tyre këtu, në Rahovec, në “Lugjet e Verdha”.
Më parakalon xha Smajli Plak, i cili në Rimnik ëndërronte që Nesi t’i bëhet mësues e ta ketë ditarin e një edukatori.
Por ja se kështu e deshi jeta, e neve na mbeten kujtimet për të gjithë Ata që nuk
mbetën vetëm.
ATYRE LAVDI PËR PUNËN E BËRË!
E JU NXËNËS, STUDENTË E INTELEKTUALË
TË DALË SI FRYT I PUNËS SË TYRE,
TË RRONI E T’I KUJTONI!
(Facebook)