Kryetari i Prizrenit, Mytaher Haskuka tha se sivjet do të fillojë ndërtimi i çerdheve për fëmijë.
“Prej 4 çerdheve publike, sa ka pasur Prizreni deri para 10 vitesh, sot nuk e ka asnjë. Gjatë mandatit 4 vjeçar do të hapen 4 çerdhe publike, 2 nga të cilat do fillojnë të ndërtohen këtë vit”, shkruan ai në Facebook.
“Por, përveç objektit për edukimin e fatosave, nevojiten edhe kuadro profesionale”.
“Në takim me përfaqësuesit e CARITAS-it u dakorduam që të fillohet me trajnimin e mësimdhënësve dhe edukatorëve”.
“Pos kësaj, CARITAS-i do ta ndihmojë Komunën edhe në agrokulturë, gjegjësisht me ndërtimin e kooperativave për bujq dhe fermerë, në mënyrë që produkteve vendore t’u ngritet cilësia dhe konkurentshmëria në treg”./PrizrenPress.com/