Çmimet, por edhe shitja e banesave në Mal të Zi kanë mbetur të pandryshuara gjatë viteve të fundit, pohojnë agjencitë e patundshmërive në këtë vend fqinj.
“Poslovni Dnevnik” (Ditari afarist) në Podgoricë bën të ditur se nga viti i kaluar është shtuar interesimi i turqve për blerje banesash në Mal të Zi, transmeton Koha.net.
Blerës nga ky vend thuhet të jenë gjithnjë e më shumtë.
Ata janë shfaqur nga viti i kaluar, ndërsa më së shpeshti blejnë apartamente me vlerë nga 50-70 mijë eurosh.
Interesim ka sidomos për qytetin e Budvës.
Metri katror në këtë qytet bregdetar malazias sillet midis 1.500 deri në 3.000 euro.