Katër emra të rinj janë në listën e përzgjedhësit të Kombëtares së Shqipërisë në futboll, Christian Panucci, që është e vlefshme për ndeshjen miqësore ndaj Norvegjisë.
Miqësorja Shqipëri – Norvegji zhvillohet më 26 mars në Elbasan, ndërsa rastin për të debutuar në kombëtaren A të Shqipërisë do ta kërkojnë Herdi Prenga, Bujar Lika, Enis Gavazaj e Kristal Abazaj. Dy prej tyre janë nga Kosova, Lika e Gavazaj, shkruan sot Koha Ditore.
Derisa për Gavazajn ishte çështje kohe para se të ftohej në kombëtare, Lika është vlerësuar befasi në listën e teknikut italian. Kështu vetëm vazhdon të rritet numri i futbollistëve nga Kosova në Kombëtaren e Shqipërisë.