Legjenda braziliane Ronaldo ka thënë se Andres Iniesta nuk i duhet Topi i Artë për të mbetur në histori si një nga legjendat e futbollit.
Asi spanjoll do të pensionohet pas përfundimit të këtij edicioni, pa arritur që gjatë karrierës së tij të marrë trofeun e futbollistit më të mirë në botë.
Por Ronaldo mendon se megjithëse Iniesta e ka merituar atë titull dhe s’e ka marrë, ai do të mbetet në histori si spanjolli më i jashtëzakonshëm në histori të futbollit.
“Ai e ka merituar Topin e Artë, por nuk mendoj se i duhet. I kam shkruar në Instagram për ta uruar për një karrierë të shkëlqyer”.
“Në histori Iniesta do të mbetet si futbollisti më i jashtëzakonshëm spanjoll. Nuk mbaj mend të ketë pasur një të dytë me këto cilësi, ndaj kaq shumë njerëz e duan”.