Testi shtetëror i maturës ka filluar të mbahet sot në Ferizaj dhe Gjilan që u përzgjedhën me short për fillimin e këtij testi.
Ngjashëm me testin e arritshmërisë edhe për testin e maturës u raportua se doli online në grupe në Facebook.
Lidhur me këtë, Ministri i Arsimit, Shkencës dhe Teknologjisë, Shyqiri Bytyqi tha se kanë raportuar rastint tek organet kompetente.
“Rezultatet priten diku deri 1 qershor, lidhur me publikimet ne menjëherë i kemi lajmëruar organet kompetente dhe janë duke e shqyrtuar në rastet konkrete. Por nga ajo që është parë nuk ka ndikuar në rezultat. Ne e kemi pasur një bashkëpunim me nivel lokal dhe ka ndikuar në përgatitje”, tha Bytyqi.
Ai kështu deklaroi gjatë vizitës që i bëri qendrës së testimit ‘Kuvendi i Arbërit’ në Ferizaj.
Testi i maturës pritet të vazhdojë nesër me rajonin e Prishtinës ndërsa në ditët në vazhdim do të jenë Gjakova, Prizreni, Peja dhe Mitrovica.