Drejtori i Arsimit në Prizren, Skënder Susuri, nuk po mund të pajtohet me anulimin e konkursit për drejtorë dhe zëvendësdrejtorë të shkollave.
Ai, në shenjë ‘hakmarrjeje’, anulimin e konkursit nuk e ka përfshirë në raportin e punës.
Në këtë raport janë përfshirë të gjitha aktivitetet dhe vendimet që Drejtoria e Arsimit, gjatë periudhës janar-qershor të këtij viti.
Kryetari i Komunës, Mytaher Haskuka, në këtë periudhë ka anuluar dy konkurse për drejtorë dhe zëvendësdrejtorë të shkollave.
Anulimi i tyre është bërë pas ankesave të shumta nga partnerët e koalicionit.
Susuri deri në momentet e fundit insistonte se nuk ka pasur shkelje procedurale në zgjedhjen e drejtorëve të rinj.
Konkursi për drejtorë dhe zëvendësdrejtorë pritet të fillojë nga e para.
Ndërkaq, në raportin e punës, Susuri ka përfshirë të gjitha aktivitetet të cilat i ka vlerësuar të suksesshme./PrizrenPress.com/