Policia në Prizren ka filluar hetimet për rastin e kërcënimit me jetë të drejtorit të Komunës, Ertan Simitçi.
Zëdhënësi i Policisë në Prizren, Hazër Berisha tha se tashmë janë marrë provat materiale nga viktima.
“Pas publikimit të lajmit në media lidhur me kanosjen e drejtorit e Financave të Komunës së Prizrenit, në konsultim me prokurorin është kontaktuar viktima dhe janë marrë provat materiale”, tha Berisha për “PrizrenPress”.
Drejtori i Financave në Prizren, Ertan Simitçi, është kërcënuar me jetë.
Kërcënimet i ka marrë përmes rrjetit social “Facebook”.
“Kam pranuar disa mesazhe me përmbajtje kërcënuese me jetë”, tregon ai.
Ertan Simitçi, javën e kaluar ka ngritur kallëzim penal ndaj Gjergj Dedajt.
“Kërcënuesit do të japin llogari para drejtësisë”, tha Simitçi/ PrizrenPress.com/