Një vajzë libaneze 2 vjeçe ka ndërruar jetë në avionin e linjës “Alitalia”, Bejrut-Romë, i cili ka bërë zbritje emergjence në aeroportin e Barit.
Sipas mediave italiane, e mitura është goditur nga një krizë kardiake gjatë udhëtimit. Një nga stjuardesat i ka dhënë ndihmën e parë dhe është vendosur të kryhet protokolli i uljes së emergjencës nga piloti.
Pas zbritjes në tokë, mjekët tentuan ta kthejnë në jetë, por 2-vjeçarja kishte ndërruar jetë.
Siç është raportuar nga mjekët, foshnja vuante nga hiperoksaluria, një sëmundje e rëndë e veshkave, dhe në bord ishte ndihmuar nga një infermiere e Kryqit të Kuq që e shoqëronte së bashku me prindërit e saj. Gjatë fluturimit ajo kishte një maskë oksigjeni dhe ishte drejtuar në kryeqytetin italian për të marrë trajtim mjekësor.
Në udhëtim, megjithatë, ajo dyshohet se ka pësuar një sulm në zemër dhe u ndihmua nga infermierja që i kërkoi pilotit të bënte një ulje emergjente. Duke pasur parasysh patologjinë, e cila është prekur fëmija, mjekët ligjorë e kanë informuar prokurorin se nuk e konsiderojnë autopsinë të nevojshme.