Gazetarja televizive Viktoria Marinova është vrarë brutalisht në qytetin Ruse në veri të Bullgarisë.
Prokurori rajonal Georgi Georgiev ka thënë se trupi i Marinovës (30 vjeçare) është gjetur në park, transmeton Koha.net.
Sipas fjalëve të tij, vdekja është shkaktuar goditja në kokë dhe ngufatja.
“Asaj i mungojnë telefoni, çelësat e veturës, syzet dhe disa pjesë rrobash”, ka saktësuar Georgiev, përcjellin mediet.
Ministri i brendshëm bullgar Mladen Marinov ka konfirmuar se viktima ka qenë e dhunuar.
Kryeministri bullgar Bojko Borisov ka shfaqur shpresën se hetimi do të jetë i suksesshëm dhe se falë mostrave të ADN-së, autori do të gjendet.