Sulmuesi i krahut, Ousmane Dembele do të largohet nga skuadra e Barcelonës gjatë miniafatit kalimtar të janarit, përcjell “Mundo Deportivo” të martën.

Mësohet se te Barcelona kanë marrë vendim për ta nxjerrë 21-vjeçarin në shitje, pasi nuk ka bindur me paraqitjet e tij.

Dembele te Barcelona u transferua në vitin e shkuar nga Borussia Dortmundi për 115 milionë euro dhe ka kontratë deri në vitin 2022.

Këtë edicion, Dembele ka shënuar pesë gola në 12 paraqitje në të gjitha garat.

Kartoni i tij vlerësohet rreth 80 milionë euro dhe interesim për të kanë shprehur Arsenali, Chelsea e Tottenhami.