Partia Demokratike e Kosovës(PDK) në Prizren, ka uruar të gjithë qytetarët e Komunës së Prizrenit, me rastin e Ditës së Flamurit.
“Edhe sot, në këtë ditë dhe datë të shënuar, me krenari themi se, historia e jonë kombëtare, në djepin të cilës u lindë pavarësia e kombit, në veçanti i nderon pesë data fatbardha të shqiptarisë: Vitin 1444, kur Gjergj Kastrioti, ai Fatos i Lirisë, mblodhi në Lezhë, Kuvendin e prijësve të krahinave të ndryshme të Shqipërisë; vitin 1878, kur në Prizren, Abdyl Frashëri tuboi krerët e mbarë Shqipërisë; vitin 1912, kur lindi shteti shqiptar, Shqipëria; 28 Nëntorin e vitit 1997, kur u shfaq publikisht UÇK-ja dhe Vitin, 2008, kur u shpall shteti i pavarur i Kosovës”, thuhet në urimin e PDK-së në Prizren.
“Ne pasardhësit e Epokës së Gjergj Kastriotit, të Ismail Qemalit, Nënë Terezës dhe të Epokës së Adem Jasharit, jemi përballë thirrjeve të qytetërimeve euro-perëndimore, duke pasur, prore, parasysh, se : “Me e dashtë Kombin, Atdheun, Flamurin dhe Zotin është ideali ynë më i çmuar”!”