Namik Dokle, i cili kohët e fundit i është kushtuar letërsisë, ka ndarë me miqtë e tij një rrëfim nga koha kur edhe Dritëro Agolli ishte deputet në parlament.
“Rrinim afër në parlament. Një ditë janari të vitit 1993, e pashë duke shkruar në faqen e prapme të një projektligji. Pas pak ma zgjati fletën dhe unë lexova:
Këtu ku mblidhet parlamenti,
kam vetëm një karrige…
E di se ç’mendon deputeti,
kjo kafshë politike…
Pastaj ma dha stilografin. “Po ta dhuroj”, më tha dhe më tregoi se me të kishte shkruar katër libra: “Pelegrini i vonuar”, “Lypsi i kohës”, “Njerëz të krisur” dhe “ Kalorësi lakuriq”, shkruan Dokle./ KultPlus.com
