Shtabi zgjedhorë i Bashkimit Demokratik ka përfunduar përgatitjet për mbajtjen e fushatës zgjedhore, që të jetë sa më e suksesshme dhe demokratike. Shefi i shtabit Nysret Durmishi në koordinim me të gjitha sektorët e Shtabit Zgjedhorë ka bërë planin për 30 ditë të fushatës.
“Sipas planit kandidati për Kryetarë i Bashkimit Demokratik, Zafir Berisha me ekipin e tij fitues të cilët garojnë për Kuvendin Komunal të Prizrenit do të zhvillojnë takime me të gjithë qytetarët e komunës së Prizrenit në të gjitha fshatrat dhe lagjet e qytetit tonë sipas taktikës dorë më dorë, ku në këtë drejtim kandidati për kryetarë do të mbështetet edhe nga partnerët e koalicionit Balli Kombëtar dhe SDA”, theksoi Leart Batusha, zyrtar për informim të BD-së.
Berisha më 3 tetor në mënyrë simbolike fushatën do ta filloje me rininë e qytetit të Prizrenit ndërsa tubimin qendrorë për hapjen e fushatës zgjedhore do ta mbajë me 05.10.2013 (e shtune) në ora 12:00 në Shtëpinë e Kulturës Xhemali Berisha, ndërsa në komunën e Dragashit fushatën për prezantimin e kandidatin për Kryetar Nexhat Isufi dhe ekipin e tij do ta hapin në fshatin Bresanë me 06.10.2013 (e diele) në ora 12:00.
“Bashkimi Demokratik ka kërkuar nga aktivistët dhe simpatizantët, që me fushatën e tyre të reflektojnë kulturë politike edhe te aktivistët e partive tjera”, tha Batusha./PrizrenPress.com/