23.8 C
Prizren
E premte, 19 Korrik, 2024

Protestë kundër arrestimit të çlirimtarëve

OVLFamiljarë të dëshmorëve, veteranë dhe invalidë të Ushtrisë Çlirimtare të Kosovës si dhe shumë qytetarë kanë protestuar sot në mesditë në sheshin “Mehë Uka” në Mitrovicë, kundër arrestimit nga EULEX-i të ish-ushtarëve të UÇK-së, Ismet Haxha e Nexhat Qubreli, si të dyshuar për krime lufte.

“Jemi të pafajshëm”, “Liri për çlirimtarët”, ishin disa nga parullat që mbaheshin në duar nga protestuesit e mbledhur në sheshin “Mehë Uka” në Mitrovicë, të cilët kërkonin lirimin e Ismet Haxhës, Nexhat Qubrelit dhe të gjithë ushtarëve të UÇK-së të arrestuar nga EULEX-i si të dyshuar për krime lufte.

Kryetari i Organizatës së Veteranëve të Ushtrisë Çlirimtare të Kosovës, Muharrem Xhemajli, arrestimet e çlirimtarëve i quajti veprime tendencioze.

”Arrestimet e bashkëluftëtarë e tanë i konsiderojmë tendencioze, të padrejta dhe politike. Zyrtarët e EULEX-it në vend që të merren me luftën krimit të organizuar të pasluftës, me vrasjet, dëbimet, kontrabandë, merrem me ndjekjen, burgosjen, persekutimin, dënimin dhe e atyre që me mundin dhe gjakun e tyre e sollën lirinë dhe liria e solli këtë mision në Kosovë me shpresën sot ë kontribuoj në zhvillim n e drejtësisë të rendit dhe të ligjit”, tha ai, transmeton RTK.

Ndërsa, kryetari i Organizatës së Veteranëve të Ushtrisë Çlirimtare të Kosovës në Mitrovicë, Rafet Ibishi, kërkoi nga institucionet vendore që të ndikojnë tek misioni ndërkombëtar për lirimin e ushtarëve të arrestuar nga EULEX-i.

”Të gjithë ne dhe bota mbarë e di se krimet në këtë vend i ka bërë serbët dhe ai krim ka mbetur i pandëshkuar. Është e habitshme kur edhe sot EULEX-it i vriten pjesëtarët e vet nga e njëjta dorë kriminal, në vend që të ndëshkohen ata për të kaluan dhe të tashmë kërkojnë krimin e aty ku nuk ka ndodh. Protesta ka kaluar e qetë dhe pa ndonjë problem”, theksoi ai.

Më Shumë

Babë e bir arrestohen në Rahovec

Janë arrestuar babë e bir në Rahovec, pasi burri e kanosi gruan e më pas djali e sulmoi fizikisht babain. “DHUNË NË FAMILJE – Rahovec...

Dogana zbulon barna ilegale në një barnatore në Prizren

Në një operacion të suksesshëm të Njësive të Doganës së Kosovës sot në regjionin e Prizrenit, është zbuluar një sasi e madhe e barnave...

Lajmet e Fundit