Gjykata Themelore e Prishtinës ka refuzuar padinë e Sindikatës së Arsimit (SBAShK) që ka bërë ndaj Ministrinë e Arsimit Shkencës dhe Teknologjisë lidhur me zëvendësimin e orëve të humbura gjatë grevës në arsim.
SBAShK-u me 4 mars e kishte dorëzuar padinë në Gjykatën Themelore lidhur me vendimin e ministri Shyqiri Bytyqi për kompenzimin e orëve të humbura gjatë grevës.
Drejtues të SBASHK-ut, kanë paralajmëruar ankesë në Gjykatën e Apelit për këtë vendim.
Kujtojmë që tërë sistemi arsimor në Kosovë kanë mbajtur grevë për më shumë se tre javë me kërkesën për rritje pagash.
Ministria e Arsimit, Shkencës dhe Teknologjisë, ka dalë me vendim që orët e humbura për shkak të grevës të kompensohen duke mbajtur mësim gjatë pushimit pranveror, si dhe të mbahet procesi mësimor gjatë të shtunave, por kjo nuk u mirëprit as nga prindërit.