Kandidati i VV-së për kryetar të Prizrenit, Arbër Rexhaj, ka marrë pjesë në një tubim me banorë të fshatit Arbanas. “Këto tubime nuk kemi filluar t’i bëjmë vetëm tani, me rastin e fushatës. Në ndryshim nga partitë e tjera, të cilat i pyesin qytëtaret se ç’problem kanë dhe më pas i premtojnë zgjidhje pa marrë në konsideratë mundësitë e realizimit të tyre, Lëvizja Vetëvendosje! nuk premton gjë tjetër përveç angazhimit të saj të plotë në përpjekje për të realizuar çfarë është e mundur. VV-ja nuk është shpresa e fundit, por e vetmja”, tha Rexhaj.
Ai tha se ndër objektivat kryesorë për t’u realizuar në Prizren, VV parasheh rritjen deri në 10% të buxhetit për bujqësi në kohështrirjen e katër viteve.”Hapjen e dy zyrave të posaçme për kërkim fondesh për bujqësinë dhe turizmin kulturor. Transparencën financiare e cila do të paraqitet online. Rikthimin i Asamblesë në funksionin e saj të mëparshëm si qendër kulturore”.
Pjesëmarrës në këtë takim ishte edhe deputeti i Kuvendit të Republikës së Kosovës, Afrim Kasolli. “Kjo klasë politike ende ne pushtet, nuk ka nevoje per shtet; çdo problem shëndetësor apo arsimor, e zgjidhin jashtë vendit. Jemi ne ata që kemi nevojë për shtet”, tha Kasalli./PrizrenPress.com/