Drejtori i Arsimit në Prizren, Gani Gërmizaj tha se konkursi i fundit për mësimdhënës ka qenë në përputhje me ligjin.
Ai, ka hedhur poshtë zërat për parregullsi.
“Lidhur me zërat rreth konkursit të fundit në DKA, ndjej për obligim t’ju njoftoj se konkursi ka qenë në përputhje me ligjin e arsimit parauniversitar 04/L 032 si dhe udhëzimin administrativ 07/2017”, shkruan Gërmizaj në “Facebook”.
“Për të hequr dilemat kam kërkuar opinionin edhe nga ministritë MASHT dhe MPMS nga ku kam marrë mendime pozitive” .
“I përkushtuar si drejtor i DKA -së që të filloj viti shkollor, kam bërë të pamundshmen në bashkëpunim me zyrtarët e DKA-së dhe drejtorët e shkollave që ky vit shkollor të fillojë sa më mirë që është e mundur”, shkruan Gërmizaj./PrizrenPress.com/