Lidhja Demokratike e Kosovës (LDK) në Prizren, akuzon aktivistët e PDK-së për heqjen e afisheve të subjektit dhe kandidatëve të partisë së tyre. Zëdhënësi i LDK-së, Nderim Gashi tha s janë identifikuar me emra dhe mbiemra personat që kanë dëmtuar afishet e LDK-së.
“Partia në pushtet nga paniku i humbjes së zgjedhjeve lokale nuk po zgjedhin as mjete dhe metoda për të lënë një hije të keqe kësaj fushate. Kjo shifet qartë nga dëmtimi i posterëve kudo në terren”, tha Gashi.
Sipas tij, mbrëm strukturat e organizuara të PDK-së në orët e vona të natës janë zënë duke dëmtuar afishet e LDK-së. “Përveç se u zunë duke dëmtuar posterët e LDK-së, ata mbi to me ngjyrë shkruanin edhe akronimin e PDK-së”
Ai tha se emrat e identifikuar janë denoncuar në organet përkatëse si dhe në mekanizmat vendor dhe ndërkombëtar të cilët merren me monitorimin e fushatës zgjedhore . “Lidhja Demokratike e Kosovës bënë thirrje për një fushatë të qetë dhe pa incidente, pasi që pushtetet në demokraci vijnë dhe shkojnë. Andaj, për hirë të proceseve integruse në të cilat po kalon Kosova, zyrtarëve të partisë në pushtet i bëjmë thirrje që ndërrimin e pushtetit ta marrin si proces normal dhe asesi ndryshe /PrizrenPress.com/