Kandidati i BD-së për kryetar të Dragashit, Nexhat Isufi, në kuadër të takimeve me qytetarë është takuar me banorët e fshatit Brrut.
Isufi garantoi qytetarët e këtij fshati dhe të gjithë opojarëve se me ardhjen e Bashkimit Demokratik në krye të Komunës, jeta e tyre do të ndryshojë.
“BD ka një program të qartë qeverisës për mandatin 4 vjeçar, ku orientim kryesor e ka punësimin e rinisë furnizimin me ujë për të gjithë fshatrat e Komunës së Dragashit, mbështetje për bujqit dhe blegtorët si dhe ndërtimet e qendrave rekreative e sportive ne Komunën tonë”.
Kryetari i Bashkimit Demokratik Zafir Berisha kërkoi nga të pranishmit që ta mbështesin Nexhat Isufin si alternativa dhe shpresa më e mirë për një qeverisje të mirë në Komunën e Dragashit.
Behar Beshiri kandidat nga fshati Brrut për Kuvend të Komunës, tha se “unë si punëtor i arsimit ju garantoj se me ardhjen e Bashkimit Demokratik në pushtet gjendja në arsimin e komunës sonë do të ndryshojë për të mirë dhe nepotizmi që ka përfshirë këtë institucion do të marrë fund”.
Kandidati për kryetarë të Dragashit Nexhat Isufi ditët në vazhdim do të vizitojë edhe fshatrat tjerë në këtë komunë për të shpalosur programin e Bashkimit Demokratik./PrizrenPress.com/