Goranët kanë përkrahu ftesën e Qeverisë serbe për të dalë në zgjedhje dhe kanë fituar 70 për qind të votave në Gorë, njofton B92. Ata, sipas kësaj agjencie, duan ta formojnë komunën dhe të bëhen pjesë e Asociacionit të komunave serbe në Kosovë.
“Imperativi kryesore për të dalë në zgjedhje ka qenë formimi i komunës së Gorës dhe hyrja në Bashkësinë e komunave serbe”, thuhet në kumtesën e Listës unike gorane kandidat i të cilës Safet Kushi (në foto) ka marrë më së shumti vota.
“70 për qind e votuesve na obligon të bëjmë çdo gjë që të realizojmë planet dhe premtimet tona. Nuk duam të hyjmë në komunën e Dragashit në të cilën shqiptarët janë shumicë dhe atje ne nuk mund të realizojmë as minimumin e të drejtave tona”, ka thënë Kushi i cili për realizimin e këtij synimi ka ftuar në ndihmë Beogradin, Brukselin dhe Prishtinën.