Kryetari i NISMA-s Socialdemokrate, Fatmir Limaj ka përkujtuar masarkrën e 27 shqiptarëve të pafajshëm në lagjen “Tusuz” të Prizrenit.
Sipas tij, vrasja e tyre 21 vite më parë ishte hakmarrje ndaj humbjeve që u shkaktoheshin nga UÇK-ja në atë zonë, ushtria dhe policia serbe në këtë masakër nuk kurseu as fëmijë e pleq.
Postimi i Limajt:
Më 26 maj të vitit 1999 forcat policore serbe masakruan 27 shqiptarë të pafajshëm në lagjen Tusuz të Prizrenit.
Si shenjë hakmarrje ndaj humbjeve që u shkaktoheshin nga UÇK-ja në atë zonë, ushtria dhe policia serbe në këtë masakër nuk kurseu as fëmijë e pleq.
21 vite pas kësaj masakre, kryesit e këtyre krimeve ende nuk e kanë marrë ndëshkimin nga institucionet e drejtësisë.
Lavdi të gjithë dëshmorëve dhe martirveë të Kombit!
