24.1 C
Prizren
E premte, 29 Gusht, 2025

VV në Prizren nesër nisë mbledhjen e nënshkrimeve për peticion, kërkojnë zgjedhje të reja nacionale

Qendra e Lëvizjes Vetëvendosje në Prizren ka bërë të ditur se prej nesër do të fillojë mbledhjen e nënshkrimeve për peticion ku kërkohen zgjedhje të reja në nivel vendi.

Nga data 2 qershor, bëhet e ditur se në “Sheshin e Lidhjes” në Prizren do të fillojë mbledhja e nënshkrimeve.

“Kosova, prej 3 shkurtit 2020, e pati një qeveri të re e të mirë. Ajo zvogëloi veten e forcoi shtetin. Me reciprocitet e dinjitet në politikën e jashtme, me luftën kundër korrupsionit në borde e administratë, me transparencë e mirëmenaxhim, Qeveria Kurti e fitoi besimin e qytetarëve si asnjë qeveri më përpara. Këtë e kanë vërtetuar dhe matjet e opinionit publik të UNDP-së”, thuhet në njoftimin e kësaj qendre, përcjellë PrizrenPress.

“Por kjo qeveri u rrëzua me mocion mosbesimi më 25 mars 2020, ku partitë e vjetra e presidenti u bënë bashkë për ta ndalur ndryshimin. Sipas Kushtetutës dhe precedentëve, vendi do të duhej të shkonte në zgjedhje të reja, por një vendim skandaloz dhe i dyshimtë i Gjykatës Kushtetuese, i hapi rrugën një qeverie e cila për herë të parë do të krijohej pa zgjedhje prej humbësve të zgjedhjeve dhe partive e njerëzve që nuk gëzojnë as mbështetje e as legjitimitet”.

“Ne kemi filluar peticion duke mbledhur nënshkrime në kërkim të zgjedhjeve të reja si e vetmja mënyrë e daljes nga kjo krizë”.

“Nga nesër, 2 qershor 2020, e gjatë gjithë javës, prej orës 10:00, do të jemi të vendosur me tendë në sheshin “Sheshi i Lidhjes” në mbledhje të nënshkrimeve për peticion”./PrizrenPress.com/

Më Shumë

Muharremaj: Ramë Bllaca mbetet personalitet i rrallë i historisë sonë

Kryetari i Komunës së Suharekës, Bali Muharremaj, ka vlerësuar lart figurën dhe kontributin e Ramë Bllacës, duke e cilësuar atë si një personalitet të...

FC Malisheva prezanton përforcimin e ri Assane Diatta

FC Malisheva ka zyrtarizuar transferimin e sulmuesit të krahut, Assane Diatta, i cili vjen pak ditë para mbylljes së afatit kalimtar. Futbollisti senegalez i është...

Lajmet e Fundit