-0.7 C
Prizren
E martë, 18 Shkurt, 2025

Komuna e Malishevës vazhdon të punojë me staf të reduktuar

Kryetari i Komunës së Malishevës, Ragip Begaj, sikur çdo të hëne, edhe sot e ka mbajtur mbledhjen e rregullt të Këshillit të Drejtorëve, ku drejtorët e drejtorive kanë raportuar për punët dhe aktivitetet e tyre gjatë javës së kaluar dhe planifikimet për javën në vijim.

Në këtë mbledhje u bë e ditur se puna në administratën komunale është duke u kryer me staf të reduktuar për shkak të situatës pandemike, mirëpo të gjitha shërbimet komunale janë duke u kryer pa probleme dhe deri më tani nuk ka ankesa në kryerjen e shërbimeve.

Po ashtu u bë e ditur se është duke vazhduar implementimi i planifikimeve për këtë vit, përfshi edhe investimet apo realizimin e proejkteve kapitale, edhe pse shumë prej tyre kanë filluar me vonesë për shkak të situatës me pandeminë covid-19.

Sa i përket situatës pandemike, u bë e ditur se situata vazhdon të jetë e nën kontroll, pavarësisht rasteve, dhe se shërbimet komunale përgjegjëse janë duke ofruar mbështetjen e nevojshme në të gjitha rastet, si në ofrimin e shërbimeve shëndetësore, ashtu edhe me shërbimet tjera, përfshi edhe furnizimet.

Kryetari i Komunës së Malishevës, Ragip Begaj, ka kërkuar nga të gjitha drejtoritë, që të vazhdojnë të punojnë, pavarësisht situatës dhe ti kryejnë të gjitha obligimet që kanë. “Ka vonesa në implementimin e projekteve, për shkak të vonesave në procedura, si pasojë e pandemisë, por kërkoj nga ju që të jepni maksimumin e mundshëm për realizimin e të gjitha obligimeve që kemi”, ka kërkuar Begaj nga drejtorët e drejtorive.

Më Shumë

“Shën Valentini pa ty” – Çfarë kishte shkruar Gjesti për ish-të dashurën

Një ditë më parë, Gjesti i shkroi një dedikim ish-të dashurës së tij Diellzës, por nuk e lexoi para banorëve. Ndërkohë përmbajtja e saj është...

Si lindi Shën Valentini në botë dhe në Kosovë?

Të dashuruarit anembanë botës e festojnë 14 shkurtin si Ditën e Shën Valentinit, një ditë dedikuar dashurisë dhe romancës.   Por si lindi kjo festë dhe...

Lajmet e Fundit