Muajin e ardhshëm Teatri i Qytetit të Prizrenit “Bekim Fehmiu” planifikon të sjellë premierën e re teatrore, të parën për këtë vit, “Provo dhe një herë Sem” të Woody Allen dhe regji të Ilir Bokshit.
Fetah Paçarizi, drejtor i Teatrit “Bekim Fehmiu” kanë thënë për Kallxo.com se pas premierës “Shtetrrethimi”, e cila u dha më 30 dhjetor 2020, ky teatër në muajin shkurt pritet të realizojnë shfaqjen e re.
Sipas tij, kjo shfaqje pritet të jepet mes datave 10 – 15 shkurt 2021.
“Duke marrë parasysh që shumica e komponentëve të shfaqjes janë kryer, premierën besojmë se do ta realizojmë rreth datës 10 deri 15 shkurt, sigurisht duke marrë parasysh edhe gjendjen me COVID -19, nga e cila pa dëshirën tonë, varemi”, ka thënë drejtori Paçarizi.
Në shfaqje do të luajnë; Erenest Malazogu, Edona Sopaj, Alban Krasniqi, Liridona Shehu Xhevdet Doda.