Rreth 120 alpinistë nga pjesë të ndryshme të Serbisë, por edhe nga veriu i vendit, nuk janë lejuar të shkojnë për vizitë në Malet e Sharrit, edhe pse kishin hyrë dje në Kosovë.
Radio Kim shkruan se kryetari i Shoqatës së Alpinizmit “Kopaonik”, Rade Knezeviq, ka deklaruar se ata mbrëmë janë njoftuar nga komandanti i Policisë në Shtërpcë për këtë gjë.
“Kjo është ngjitje tradicionale, por mbrëmë rreth orës një, komandanti nga Stacioni i Policisë, Dragan Ivanoviq, erdhi dhe na tha se ai kishte marrë një urdhër që ne nuk mund të dilnim për ngjitje në male. Këtë mëngjes, erdhi një urdhër i qartë që ne nuk duhet të lëvizim nga hoteli. Askush nuk na shpjegon asgjë. Ne kurrë nuk kemi pasur ndonjë problem deri më tani, ne u takuam me alpinistë shqiptarë nga Ferizaj, dhe nuk kishte ndonjë problem”, ka thënë Kenezeviq, shkruan Radio Kim