Komisioni Qendror i Zgjedhjeve do të vazhdojë më procesin e certifikimit të subjekteve politike dhe kandidatëve për pjesëmarrje në Zgjedhjet Lokale të 17 tetorit.
Mbledhja e KQZ-së, pritet të mbahet sot në orën 13:30, raporton Express.
Lajmi është bërë i ditur përmes një komunikate për media nga Zëdhënësi i KQZ-së, Valmir Elezi.
Po ashtu, në komunikatë thuhet se në rend të ditës për certifikim janë edhe subjektet politike parlamentare.
Deri më tani, KQZ-ja ka certifikuar 48 subjekte politike me 552 kandidatë, ndërsa ka vendosur të mos certifikojë 2 kandidatë të pavarur për shkak të mospërshtatshmërisë së tyre me nenin 29 të ligjit për zgjedhjet e përgjithshme.
Numri i kandidatëve që do të certifikohen në këto zgjedhje lokale, pritet të jetë mbi 5 mijë kandidatë.