Drejtori sportiv i Paris St-Germainit, Leonardo, nuk pret që Kylian Mbappe të largohet në fund të sezonit dhe është i bindur se sulmuesi francez do të nënshkruajë një kontratë të re.
“Nuk mendoj se dikush këtu e sheh të ardhmen pa të. Nuk besoj se Kylian do të largohet në fund të sezonit. Marrëdhënia e tij me PSG-në është e thellë. Reali? Ne ishim të qartë në lidhje me ofertën që bëri. Nuk ishte e mjaftueshme nga pikëpamja jonë. Fakti që ai po qëndron, ishte e vetmja gjë që mund të ndodhte. Nuk kemi menduar asnjëherë për largimin e Mbappes”, ka deklaruar Leonardo.