Një person ka vdekur të martën në mesditë, teksa po ecte në pyll në Prevallë, raporton PrizrenPress
Sipas raportit 24-orësh të Policisë, një grua e ka lajmëruar policinë se një burrë është alivanosur. Në momentin e arritjes së njësisë policore në vendin e ngjarjes viktima nuk ka dhënë shenja jete.
Trupi i pajetë është dërguar në Institutin e Mjekësisë Ligjore për autopsi.
“Prevallë, 21.09.2021 -15:03 Gjersa viktima mashkull kosovar ishte duke shëtitur në pyll, bashkë me dëshmitaren femër kosovare, i është përkeqësuar gjendja shëndetësore dhe sipas dëshmitares është alivanosur. Në momentin e arritjes së njësisë policore në vendin e ngjarjes viktima nuk ka dhënë shenja jete. Ekipi mjekësor ka konstatuar vdekjen e viktimës. Me urdhër të prokurorit trupi i pa jetë i viktimës është dërguar në IML për autopsi”, thuhet në raport.
Rasti po cilësohet si “vdekje e dyshuar”./PrizrenPress.com/
