Gjykata e Apelit ka miratuar ankesën e avokatit të Sami Lushtakut, Arianit Koci, që ta lirojë klientin e tij që të bëjë betimin pasi është zgjedhur kryetar i Skenderajt më 3 nëntor. Lajmin e ka konfirmuar avokati i Lushtakut, Arianit Koci.
“Po, Gjykata e Apelit ka miratuar ankesën time për lirimin e Lushtakut që ta bëjë betimin”, ka thënë Koci për Kosovapress.
Kjo është kërkesa e dytë e mbrojtjes, meqenëse e para u hodh poshtë dhe gjasat që kjo komunë të shkonte në zgjedhje të jashtëzakonshme ishin të mëdha.
Në zgjedhjet e 3 nëntorit Lushtaku kishte fituar postin e kryetarit të Skenderajt në rundin e parë me 80 për qind të votave.