Aleanca për Ardhmërinë e Kosovës (AAK) në Prizren, ka mohuar emrat që janë publikuar në media për drejtor të ri nga koalicioni AAK-LDD në përbërjen e “Qeverisë Muja III”.
“ Kryesia e AAK-së Dega në Prizren reagon ndaj këtij informacioni të pasaktë dhe mendon se kjo dezinformatë është një spekulim që sjell vetëm huti në mesin e anëtarëve të këtij koalicioni, kur dihet saktësisht se nga kryesia e këtij subjekti politik ende nuk është marrë asnjë vendim se kush mund të jenë emrat e katër drejtorëve të ardhshëm në qeverinë Muja dhe se çdo informacion tjetër që del nga cilido burim, por që nuk është informacion i dhënë nga kryetari i AAK-së dega në Prizren, ose nga zëdhënësi i kësaj partie, është informacion i pasaktë”.
“ AAK në Prizren ka qenë dhe do të jetë transparente ndaj mediave dhe nuk heziton në dhënien e informatave, por vetëm atëherë kur ka se për çka të flitet e jo të lëshojë dezinformata të tilla”./PrizrenPress.com/