Kabineti qeveritar i udhëhequr nga kryeministri Hashim Thaçi, pritet të ketë tjetër strukturë në janar të vitit 2014. Kryeministri Hashim Thaçi, sipas burimeve të gazetës, po përgatit një freskim të përbërjes së Qeverisë për të realizuar sa më shumë projekte dhe punë deri në zgjedhjet e reja parlamentare që pritet të mbahen në vjeshtë të vitit 2014,shkruan tribuna.
Disa ministra të PDK-së, AKR-së, minoriteteve por edhe zëvendësministra, parashihet të lëvizin nga një dikaster në tjetrin apo edhe të largohen, varësisht prej të gjeturave që do të zbardhen nga raporti i matjes së performancës së punës së kabinetit qeveritar që tashmë ka filluar të shkruhet dhe do t’i prezantohet kreut të ekzekutivit,shkruan Tribuna.
Burimet brenda kabinetit qeveritar kanë bërë të ditur se Thaçi i ka paralajmëruar për këtë gjë partnerët e koalicionit të cilët po ashtu janë pjesë e hartimit të raportit të brendshëm për të vlerësuar punën e secilit anëtar të Qeverisë, për të parë pastaj se ku duhet bërë ndryshimet e nevojshme.