Liburn Aliu, i cili dje është emëruar edhe zyrtarisht Drejtor i Urbanizmit në Komunën e Prishtinës, nuk do të ulet më në karrigen e deputetit.
Këtë gjë, e ka konfirmuar për Indeksonline kryetari i kryeqytetit Shpend Ahmeti, duke thënë se, Aliu (i cili kishte fituar mbi 8 mijë vota për ulësen e deputetit), nuk do të jetë më pjesë e Kuvendit të Kosovës.
Por, vendin e tij, sipas gjitha gjasave do ta zë, Faton Topalli, pasi që sipas renditjes së votave të Lëvizjes Vetëvendosje, ai renditet i 10-ti, me mbi 5 mijë vota të fituara në zgjedhjet e fundit parlamentare.
Topalli më parë, ka qenë dy herë kandidat për kryetar të komunës së Ferizajt.
Ndryshe, Albin Kurti, Florin Krasniqi e Glauk Konjufca janë më të votuarit e lëvizjes Vetëvendosje.