Në një seancë solemne të Kuvendit të Komunës, u shpall sot Qytetar Nderi i Prizrenit, dr. Ylber Vata, i cili në ditët më të këqija të historisë sonë të re trajtoi dhe mjekoi shqiptarët e dëbuar gjatë luftës dhe ushtarët e Ushtrisë Çlirimtare të Kosovës që qëndronin në Kukës gjatë vitit 1999.
Veprat e Vatës janë më të mëdha se fjalët pasi ai në supe mban shumë plagë të shëruara e shumë jetë të shpëtuara.
Qytetit të Lidhjes, ku u vunë themelet e rezistencës ndaj pushtuesve, iu shtua edhe një qytetar nderi, i cili me veprën e tij i sfidoi limitet shkencore për t’i shkrirë ato në humane si dhe konfirmoi dashurinë vëllazërore në kohërat më të vështira të kombit.