Ndërrimi i viteve e ka gjetur qytetin e Prizrenin nën atmosferën që kanë ndriçuar qiellin nga fishekzjarret . Kanë qenë të shumtë qytetarët që kanë zgjedhur ta presin vitin 2014 me familje brenda shtëpive të tyre.Festa e ndërrimit të viteve nga qytetarët është pritur edhe nëpër restorante të ndryshme.Në rrugët e qytetit të Prizrenit grupmosha nga më të ndryshmet kanë ndjekur nga afër spektalin që kanë ofruar fishekzjarret, një traditë kjo tashmë që i mban të gjithë njerëzit zgjuar deri në orët e para të agimit.
Ardhja e vitit të ri është shoqëruar dhe me përcjelljen e urimeve për një vit sa më të mbarë për të gjithë shqiptarët. Agron Gashi shprehet i lumtur që Vitin e Ri e ka pritur bashkë me familjarët. Ai tregon se për të festuar këtë festë bashkë me familjen, ka ardhur nga Gjermania.
“Kam ardhur nga Gjermania për t’iu bashkuar familjes për Vitin e Ri. Shpresoj se ky vit do të jetë edhe më i mirë “, thotë Gashi. Qytetarët e Prizrenit, janë shprehur optimist se në vitin 2014 do të ketë më shumë punësim dhe zhvillim ekonomik./PrizrenPress.com/