Ish-ylli i Byern Munich dhe Liverpool, Xherdan Shaqiri ka pagën e tretë më të lartë në MLS, pas Lionel Messi dhe Lorenzo Insigne.
Shqiptaro-zvicerani aktualisht luan për Chicago Fire pasi u largua nga Lyon në 2022, duke lënë pas futbollin evropian për t’u transferuar në Shtetet e Bashkuara.
32-vjeçari ka shënuar 14 dhe ka asistuar 12 në 62 paraqitje me amerikanët.
Shaqiri është lojtari i tretë më i paguar në MLS, duke fituar 6.05 milionë paund në vit. Kjo shkon në gati 116,000 paund në javë, ndërsa ai është gjithashtu lojtari më i shtrenjtë i Chicago Fire pasi u bashkua për 6 milionë paund.
Megjithatë, kjo nuk është asgjë në krahasim me atë që Messi po bën në Inter Miami, ndoshta siç pritej.
Fituesi i Kupës së Botës u transferua në klubin nga Florida këtë verë pasi i skadoi kontrata me Paris Saint-Germain.
Messi po fiton pak më pak se 10 milionë paund në vit, që është rreth 200,000 paund në javë.
Kjo mund të duket e ulët për një lojtar që po merrte më shumë se dyfishin te PSG, por kjo është vetëm paga e tij bazë, e cila plotësohet nga disa sponsorizime dhe bonuse.
Në total, 36-vjeçari mund të presë të fitojë deri në 123.7 milionë paund në fund të kontratës së tij dy vjeçare e gjysmë.
Ndërsa karriera e Messi-t është plot me thyerje rekordesh dhe fitime trofesh me Barcelona-n, PSG-në dhe Argjentinën, rruga e vetë Shaqirit është disi ndryshe.
Pasi ishte në qendër të vëmendjes me Bayern Munich, ai iu bashkua Inter-it përpara një transferimi shokues te Stoke në 2015, duke luajtur atje për tre vjet.
Liverpool arriti ta afronte atë nga Stoke për 13 milionë paund, pasi ai nuk mundi t’i shpëtonte “Potters” nga rënia nga Premier League, por ishte i njohur për aftësitë e tij.
Shaqiri dhe Messi nuk janë të vetmit fitues të mëdhenj në MLS dhe Insigne aktualisht është i dyti në ligë.
Duke marrë 6.18 milionë paund në vit në Toronto, kjo e vendos italianin pak më lart se Shaqiri, duke bërë 119,000 paund në javë.
Insigne kishte luajtur të gjithë karrierën e tij te Napoli përpara se të largohej në 2022, duke bërë lëvizjen në Toronto si lojtarët e tjerë italianë të së kaluarës, duke përfshirë Sebastian Giovinco, Federico Bernardeschi dhe Domenico Criscito.Albanian Post