Paris Saint-Germain ka kaluar në çerekfinalet e Champions League pasi mposhti Real Sociedad-in me rezultat të përgjithshëm 3-0 në ndeshjet e raundit të 16-të.
Gjigantët francezë pasuan një fitore 2-0 në shtëpi në ndeshjen e parë tre javë më parë me një sukses 2-1 në ndeshjen në “Reale Arena” të martën, falë dy golave të yllit Kylian Mbappe.
Numri “7” i PSG-së hapi rezultatin me golin e tij të 45-të në Champions League, duke u bërë lojtari i dytë më i ri (25 vjeç e 76 ditë) që arrin këtë pikë pas Lionel Messi-t (24 vjeç e 257 ditë). Mbappe më pas shënoi golin e dytë.
Mikel Merino realizoi golin e nderit për vendasit, kur arriti të kalonte portierin e PSG-së një minutë para fundit të kohës së rregullt të ndeshjes.
PSG, i cili do të zbulojë kundërshtarët e tyre në çerekfinalen e Champions League kur të hidhet shorti më 15 mars, kthehet në detyrën e Ligue 1 të dielën kur mirëpret Reims në “Parc des Princes”, ndërsa Real Sociedad do të kërkojë t’i rikthehet fitimeve kur të udhëtojë te Granada në La Liga të shtunën.Albanian Post